****** أغلي من حياتي ******
عرفات :
إنتي عمري ودنيتي ......... وف الهوا شوقي وحنيني
بيكي تكمل فرحتي ............. وتحلي واياكي سنيني
السنين إنتي وحياتي .... أه هاقولهالك ليلاتي
إنتي أغلي من حياتي
ياسمين :
إنت كل حاجه ليا ................. نفسي فيها وأه لقيتها
أمنياتي ونور عينيا ........... والجراح بإيديك داويتها
إنت مش بس ف حياتي ... حب عمري إنت وحياتي
إنت أغلي من حياتي
عرفات :
إنتي حبي ونبض قلبي ......... خطوتك سكة طريقي
وف صلاتي بدعي ربي ........ بيكي يجمعني حقيقي
عيني نورها بس ضيك ... إستحالا تلاقي زيك
إنتي أغلى من حياتي
ياسمين :
ربنا يخليك عشاني ........... ياللي عمري بيك حاببني
والعوض إنت ف زماني ...... عن حاجات ياما فاتتني
إنت فرحي ف وقت حزني .. ودنيتي وأنت ف حضني
إنت نسمه رايحه جايه .............إنت بسمه عايشه فيا
إنت الإيد إللي مسحت .............. كل دمعه من عيوني
إنت السكه إللي فتحت ............. الأمل لحظة شجوني
إنتهي جرحي وأهاتي .. يوم ما جيت إنت ف حياتي
إنت أغلي من حياتي
عرفات وياسمين :
حبنا أعظم هديه ................... أغلي من دنيتنا ديه
ليك وبرضه إنت اللي ليا ..... ياللي أغلب من حياتي
ليست هناك تعليقات:
إرسال تعليق