أحلى حب ...
كان على الورق
عشته ياما
بعد عمري ما مني ضاع
وكله إتسرق
السعادة والآمال
عشتهم دايما خيال
وإنشغلت بكام سؤال
ليه كل يوم
يصبح علينا دايما بحال
من وقت ما إحنا بنتخلق
لسه فاكر أما إتقابلنا
وكان لقانا يوم ميلادنا
يومها وعد خدناة بروحنا
ما تيجي لحظة ونفترق
بسمه كانت عندي أغلى
من الحياه
هي كانت نور عنيا
والوحيدة طوق نجاة
وعشت لحظه شوق معاها
غضبت عليا
خدني العذاب ومشيت وراه
في طريق نهايته الف إتجاه
فجأه صحينا من حلمنا
وبكينا فيه على عمرنا
والسكه بينا بتتقسم
وإفترفنا ...
وكان فُراقنا
زي وردة حد خدها
بكل قسوة بيبتسم ...
ورماها في النار تتحرق
وبكل ظُلم
جيت أخدها
قالتلي إرجع
أنا كُنت حِلم ...
عادل علي
ليست هناك تعليقات:
إرسال تعليق