وكأني عارف انها الضحكه
الأخيره
وانا صايم قبل الفطار
وكأني عارف ان اسمي
خلاص انكتب في قايمة
الشهداء مفيش انتظار
قلت ابعتهالك يا غاليه
مع افرولي والبياده
وجواب .....صغير
يمكن ..........يغير
دمعك لفرحه وسعادة
ابنك بطل لا عمره خاف
ولا انهزم
مت يا أمه برصاصه في
صدري
والجبنا...... قدامي
فران ......... بتجري
مت برصاصة غدر مش
خوف
وبعدي يكمل مشواري
ألوف وألوف
اللي مزعلني يا أمه
اني مش ها اقدر
اشوفك
واترمي في حضنك
زي عادتي وأّقبل كفوفك
بس وعد كل ليله أجيلك
في حلمك وأحكيلك
عن.. جنه وعدني ربي
مدي نَظِرك وشُوفِك
وكأني حاسس انها الصوره
الأخيره
علشان يرتاح قلبك وتنسي
أي حيره
علقي يا امه أفرولي والبياده
واوعي تنسي دعوتك في
الفجر
خليها يا أمه عاده
جيشنا حفره تاخد منها تكبر
محفوظه يامصر بأمر الله
وقوتك في قولة الله أكبر
الله أكبر يا بهيه
الله .........أكبر
مهما كنت ناوي ياخسيس
بينا تغدر
وحوش وأسود فداكي يامصر
وبكرة عن قريب وعد ربي
ليكي .......نصر
وعاشت بهيه في كل عصر
وعاشت بهيه في كل عصر
♡♡بقلمي/مي ابراهيم القاضي♡♡
ليست هناك تعليقات:
إرسال تعليق