//////// +++ وا فين الغيوان +++////////
فين الطوبيات ولحمام
وافين اهل النغمة ولكلام
وافين الغيوان اهل لنغام
ارحيلهم ياك زادني عرام
قلبت عليهم في لنظام
ماجاوبوني ماعطاو سلام
كانت السينية على ليام
والحرف منقوش بلى تزمام
هذي دنيا كلنا غادين
هربت المعنى من فين وفين
ومشاو اهل الحرف ياك كاملين
هجروا لمكان ماخاصموا العين
فين جيلالة قلبي احزين
فين نلقاهم قولوا لي فين
واش ريح داتهم قولوا لي لين
ربي العالي يكون ليا عوين
غير وصلوا خباري بالدمعات
ياللي في بالي يالديزات
سلموا لي على ناس الكلمات
لجراح زادت شلى مابرات
حثى دوك لمشاهب امشات
وللي توقف من رحل من مات
سلموا لي على بوجميع وباطمات
اهل الرحبة وسحر الجدبات
////////+++ بقلم صقر الحروف الزجال بوسبولة المحجوب +++////////
نترحم على من مات وطول لعمر لمن مازال في احضان الحياة
ليست هناك تعليقات:
إرسال تعليق