نشكركم والصبر لنا
كلمات : حسام الدين فكري
.................
شُكراً ليكم..كُل الشكر
قتلتوا ولادنا الصايمين
قبل الفِطر
همّه في الجنة عايشين
وانتوا ف ذنوبكم غايصين
تايهين..متغرّبين
عن نفسكم
عن الحياة
عن كل تعاليم الإله
على برّ الشيطان راسيين
وده برّ إيه ده يامخدوعين
ده برّ شوك ودمار
وخيابة وعار
وعيون مفتوحين
بس مش شايفين
ماهو اللي ف دماغكم ده
مش مُخ زيّ كل الناس
ده كوم تراب مغسول بالطين
وفلوس حرام..وعيشة حرام
عايشين فيها غرقانين
بس تصدّقوا بإيه
إحنا برضه رغم الألم
والآهات والصبر الحزين
إنما إحنا ممنونين
وبنضحك من قلبنا
لما نتخيّل ولادنا المغدورين
في النعيم الأبدي..متنعمين
طبعاً مش فاهمين !!
ولا حاسّين
ماهو الغريب بقى
اللي يخلّي العقل يطقّ
إنكم – ياللعجب –
كنتم برضه صايمين
نفسي أفهم بس
في شرع أنهي دين
كنتم صايمين
يا أشرّ خلق الله
يامعتوهين !!
كلمات : حسام الدين فكري
.................
شُكراً ليكم..كُل الشكر
قتلتوا ولادنا الصايمين
قبل الفِطر
همّه في الجنة عايشين
وانتوا ف ذنوبكم غايصين
تايهين..متغرّبين
عن نفسكم
عن الحياة
عن كل تعاليم الإله
على برّ الشيطان راسيين
وده برّ إيه ده يامخدوعين
ده برّ شوك ودمار
وخيابة وعار
وعيون مفتوحين
بس مش شايفين
ماهو اللي ف دماغكم ده
مش مُخ زيّ كل الناس
ده كوم تراب مغسول بالطين
وفلوس حرام..وعيشة حرام
عايشين فيها غرقانين
بس تصدّقوا بإيه
إحنا برضه رغم الألم
والآهات والصبر الحزين
إنما إحنا ممنونين
وبنضحك من قلبنا
لما نتخيّل ولادنا المغدورين
في النعيم الأبدي..متنعمين
طبعاً مش فاهمين !!
ولا حاسّين
ماهو الغريب بقى
اللي يخلّي العقل يطقّ
إنكم – ياللعجب –
كنتم برضه صايمين
نفسي أفهم بس
في شرع أنهي دين
كنتم صايمين
يا أشرّ خلق الله
يامعتوهين !!
ليست هناك تعليقات:
إرسال تعليق