الله يرحمك ياجدي
وعدي يا أيامنا عدي
وانت ياقطر المناشي
أبوس إيدك تهدي
قضبان أيامنا دابت
مسامير عقولها سابت
راحت وياريت ماراحت
لا بتاخد ولا بتدي
وعدي يا أيامنا عدي
كان جدي يقولى : يا ابني
خليك لكلامي سامع
أقوله : قول ياجدي
قلي اللي عايزه البيت
يتحرم ع الجوامع
بيتك أمانة فى رقبتك
هتتحاسب عليها
أوعى تضيع فى أهلك
ولا تفرط فيها
ووقت الشدة يا ابني
بيظهر أي دافع
أقولو ياجدي سامع
فى الشدة خليك راجل
صادق وفي وأمين
فكر فى غيرك برحمة
ما تسبشي جارك حزين
وانسى نفسك شوية
وبالله أستعين
ميكونش عندك مانع
اقولو ياجدي سامع
فى الأزمة مد إيدك
واعمل لغيرك حساب
خلي الأزمات تفيدك
بكرة فى يوم الحساب
وتحبك الخلايق وتغفر زلتك
وتعيش وانت رايق
ومتنساش موقفك
و ميكونش عندك مانع .
أقولو ياجدي سامع
الشاعر / رمضان بقشيش
ليست هناك تعليقات:
إرسال تعليق