أحبتي أصدقائي مساءكم بعبق الياسمين
الى محبي الشعر الشعبي (بقلمي)
إنتة ايمين
آني ماحبك صرت عندي يمين
وأبد عمري ماخلفت يميني
وصرت أشوفك مطر ولدنيا جفاف
ونبع صافي من أعطش ترويني
والله إنتة كتاب عندي وبي سطور
وأعبد إسطورك ولاتدريني
سطر من تزعل يصير الكون غير
وينكلب كلشي ويموج بعيني
وسطر لوحسيت عني إنتة بعيد
لساعة عندي سنة وشنهو سنيني
وسطر من تجرحني وأبجي بلا دموع
وأوكع بسكتة القهر يلويني
وسطر من تبتسم جن عني رضيت
البسمة منك يمكن تداويني
ميت آني وإمتنع مني الكلام
يكفي مِنَك كلمة هم تحييني
*******
(آمال الفراتي)
ليست هناك تعليقات:
إرسال تعليق