اول كلامى سلام.......طارق على حسن

اول كلامي سلام
لدقاقين الكلام
بعجن حروفي بروحي
ونادي من فوق سطوحي هدمتي يادوب
ساترة بدن غلبان
وأقول
بصوت مسموع زي الاذان
ياعلام الغيوب
دنيا رايحة ليل بعده نهار
عمر بدايته بذرة جوه الأرض
تطرح تزهر تودع ربيعها
تقابل خريفها يسقط ورقها
تبقي عود حطب جاف
تاني كلامي
سلام وحنين وغرام
بحب
عيونك الحلوين غواص في بحر هم غرقان والنفس مني داب
صاحب وصاحب
يبقو أصحاب كنا كتير وفرقتنا  الايام
  عاشق انا اللؤلؤ والمرجان وهمس انيسي في ليل المشتاق
تالت كلامي سلام
بحبك صورة وحرف له معني
وعمر في حضن الزمن يجمعنا لكن خلف الجدار شبح الفراق هي كدة متقسمة نضحك فيها شوية
ونبكي منها وعليها شوية
دخلناها عرايا وخرجنا منها عرايا
وجوهنا في المرايا حط عليها الشيب
وتجاعيد الزمان
طارق