دامت ل مين ... الشاعر محفوظ البراموني ...

دامت ل مين ..

يا كل البني آدمين ..
        خليكوا عارفين ..
               النهاردة عايشين ..

بكرة ميتين ..
               كلنا مغادرين ..
               إوعوا تزعلوا من الكلمتين ..

لو ناسيين ..
إفتكروا كان ف مين و مين ..
            و النهاردة هما فين و فين ..

أوعوا تتخيلوا ..
             إنكم مخلدين ..
 
يبقا عقلكم ..
             عقل مجانين ..

محطة ورا محطة و كلنا نازلين ..
كل ثانية كل دقيقة ف متوفيين ..
كل ثانية كل دقيقة ف مولودين ..

ناس ب تبكي ..
          ناس ب تضحك ..
           كلهم ف حياتهم مساكين ..

  عيونهم مليانة دموع ..
              نازلة من شلال حزين ..

ساعة ب دمعة فرحانة ..
              ساعة ب دمعة حنين ..

دامت ل مين ..
            فين الملوك و السلاطين ..

إحنا تراب ..
          و التراب ليه راجعين ..

و تحت الأرض ..
             لا محالة رايحين ..

ماتزعلوش مني ..
           كتبت كلامي ب الأنين ..

مش هنهرب أبدا ..
         من الموت الحقيقة كلنا ميتين ..

أنا عارف ..
  ان الحروف دى نكد ع الصبح يا طيبين ..

و زودت عليكم الهم و الطين ..

 و إنتوا لسه من النوم صاحيين ..

 هي دى أيامنا و الشهور و السنين ..

  يوم ..
       ألوانه غامقة ب غيوم ..

  يوم ..
       ألوانه منورة ب نجوم ..

  مرة من الخوف نشربها سادة ..

  مرة نشربها سكر كتير زيادة ..

أصل الدنيا ..
     من يوم ماتخلقت ملهاش عادة ..

أوعى تمسك فيها ..
       ل تسيبك و ترميك ك العادة ..

و تضحك عليك ..
      زى ما ضحكت ع اللي قبل كل السادة ..

كله راجع مع اللي راحوا ..
                    و أسف ع كلامي ده يا سادة ..

هذيان قلم :
: محفوظ البراموني :