//////+++مني لك+++//////
مني لك سلامي وبوحي
شوقي سيدي حرك روحي
انت الهادي قدوة لقلبي
نطلب ربي يفرج كربي
وبنظرة عطف جود عليا
يالهادي سرار ربانية
يعلى شاني ف عيون الناس
يحفظني الاخلاص بسر الناس
وبعشقك فايت كل عشاق
يارسول داك لكريم الخلاق
مدحك نعمة لي ياعيوني
ياساكن قلبي وظنوني
من طيبة ورسل لي عبيرك
ونكون في راحة وقريبك
زدني من اسرار الفيض
جنبني بهواك حر القيض
وانا نصلي عليك يالهادي
تشفع فيا عند البادي
صلى الله عليك ياطه
يازين الجنة وبهاها
بقلم صقر الحروف الزجال المحجوب بوسبولة
ليست هناك تعليقات:
إرسال تعليق