ابويا علمني وقالي
ورا الواطي متمشيش
لان الخير عنده متلاقيش
والرخيص ابدا ماتشتريش
لانه في الحيآه ميساويش
وقالي خاف علي لقمة العيش
اللي بيروح منها مبجيش
والدنيا أمام الآخرة متساويش
وتاني قالي وأكد لي علي الضعيف منجيش
وتعلي الحق وغير الحق متعليش
وصله الرحم زي عينك متقاطعهاش
لان في الشده غير ايد اخوك متلاقيش
وكلها بالملح والعيش
ولوحكمت تلبس خيش
وغير توب الرجوله ماتشتهيش
والرجولة جدعنه في العوجان ماتمشيش
وقرشك في غير مكانه متصرفوش
تسلم لي يابا
انا بيك مغرم صبابا
كلامك علي راسي وعنيا
ياغالي قوي عليا
بس انت كون راضي عليا
مش عاوز بس غير دعاك ليا
يابابا
بقلمي محمد سليمان
ليست هناك تعليقات:
إرسال تعليق