اسمك فؤاد حداد
وحشتني
وحشني كلامك و غناك
حزنك وبكاك
عمرك حكاية حب
والرجل تدب مطرح ماتحب
واصحى يانايم
وحد الدايم
حبك لمصر حكاية نغم
وغرامك بيها فرح وألم
وبفتكرك وأنت بتلاغيها
بتغازلها وتناجيها
مسحراتي من غير طبلة
بتحكي غرامك بعبلة
وغناويك مليانة شجن
من بغداد وقادش وعدن
ومصر ملياك من جواك
بصنعة لطافة ونحكي هواك
ده انت حكاية ياعم فؤاد
صنعتك مغرم صبابة
والشهرة فؤاد حداد
يا طولة صبرك ياغرامك
بمصر وأهلها الشداد
مهارتك في حبك الكلام
عشقك وروعتك بالغرام
المهنة مسحراتي
والاسم فؤاد حداد
طه صلاح هيكل
ليست هناك تعليقات:
إرسال تعليق