أحبتي أصدقائي عطر الله مساءاتكم بعطر الجنة
اعيد نشر هذه القصيدة بناءا على طلب صديقة لي
لها ولكل محبي الشعر الشعبي العراقي (بقلمي)
مابعتك
آنه مابعتك كلت بية أشتريك
وأبد ماحسبت لنك بد وفة
جنت أضنك تخلص بكل ماتكول
وجنت أشوفك واحة بالظل وارفة
وجنت أحسبك شمس لو غطني الظلام
وعود خيمة برد صيف
وهم ألوذَن بيك لو جَت عاصفة
وشفت بيك الجمر لو جاني الجحيل
لن عجيبة ببارح تدَوِر دِفَة
ياعيوني شبيج يتماوج الكون
الشمس غابت لو ضوة الدنية طفَة ؟
بطلت ما أبجي مو ماكو دموع
بس أشوفنّه دم الينزل صفَة
شكد جلد وتنام ليلك صاحي بال
وهم أكولن بالعوافي وبالشفة
وآنه عزرايين يتلاوح وياي
وأبد ماعني ولا لحظة غفة
ميت آنه وبيدك تهيل التراب
يا صلافة البيك ما عندك عِفَه
مانفع وياك ماي شكد سكيت
وأبد ماخضرت ياهرش الجفه
(آمال الفراتي)
ليست هناك تعليقات:
إرسال تعليق