من تانى.........طارق على حسن

من تاني
راجع تقول كلام وحديت
من تاني
عايز تشد وتر الوهم
علي عود مكسور
غدرك لسة ريحته في المكان بيزكم الانوف
وعلي ملامحي مرسوم
جاي تشوه موال الصبر  اللي أنا  عزفته 
بعد رحيلك من سنين
فاكر
هنت عليك وانت كمان هنت
لا انت بالنسبة لي
غير موجود
ومن الوجود معدوم
راجع تاني
تجرح دموع العين
تاني جاي
  تقول   مظلوم
وبكلام مكذوب معسول
تحيي جرح تحت الرماد مدفون
جاي وشايل في عيونك حبة دموع وعلي شفايفك حروف لابسة 
حداد مكشوف
جاي تتأسف زي الديب
تبعث في القلب الميت الروح تمثيل 
لعبتك من زمان
قتل القلوب
وصرخة
في الفضاء ودفن بدون مشيعين  وصوت كريه
يخرج من ديب يقول وحدوه
طارق