نصيحة لابنتي... بقلم الشاعر مرقص اقلاديوس

نصيحة لابنتى
بقلم..مرقص اقلاديوس
.....................
القلب القاسى تنسيه
مفيش أمل معاه
و لا فيه.
مهما قدمتيله
مش هتقدرى تراضيه..

و القلب الطيب
دايما يدى.
و لو زعلتيه
لزعلك يعدى.
و لو فيه
بينك و بينه أمور
دايما ليكى يبدى.

الواقع يقول
ان القلب القاسى
دايما كسبان.
  اللى يغيظ
إنه يهرب من حبيبه
و حبيبه
يدور عليه كمان.
و صاحب القلب القاسى
لا يهمه زمان.
و لا يهمه مكان.
و مصلحته فوق
كل حال.
و فى كل أوان.

و عجب العجب
إن صاحب القلب الطيب
دايما منصاب.
الزمن
و البشر
و كل من كان
ليه غلاب.
لكن..
لكن..
لما يرفع عينيه لفوق.
و يقول يا رب.
ربنا يديله
كل اللى يتمناه
و أكتر كمان
لأنه فضل
زى ما خلقه ربنا
إنسان.
       ملاح بحور الحكمة
        مرقص اقلاديوس