قصيدة / فين الأمان فين الأمن والأمان فين حياتنا بتاع زمان٠
لما كنا مسلم ويا قبطى أيد واحده فى الميدان٠
خدعونا وقالوا ثورة بنطهر بيها الفساد٠
خدعونا وكان غرضهم هو تخريب البلاد٠
يايحكمونا يايقتلونا قالوها وكانت صريحه٠
وخلوا صورة مصر امام العالم فضيحه ٠
ولما فوقنا وقولنا لا ومليون لا للطغاه ٠
نزل الشعب الاصيل نزل وقال مبتغاه ٠
قولنا عوزين بلدنا ترجع من تانى فى العالى ٠
وعلشان بلدنا هنضحى بكل رخيص وغالى٠
وبدانا مشوار الكفاح أيد فى ايد بتزرع مزارع٠
مسلم ويا قبطى ايد بتجنى وايد بتبنى مصانع ٠
لكن أيد الغدر مش عاجبها الانتصار ٠
وحلفت لتخلى الحزن فى كل شارع وكل دار ٠
٣٠ شهيد فى السكه الحديد فى حادث قطار٠
وكل يوم كام شهيد على الحدود فى سينا ٠
كل يوم الموت بيحصد شبابنا اغلى ما فينا٠
حرام يا امة محمد فرجتو العالم علينا٠
حرام يشوفونا واحنا بنقتل بعض بايدينا٠
ليه يكون الغدر من داخلنا منا فينا٠
فى شرع مين قولولى يا امة الاسلام ٠
على الحزن نصحى وكمان على الهم بننام٠
شعر/كمال البنا ٢٨ / ٢ /٢٠١٩
ليست هناك تعليقات:
إرسال تعليق