انواع.....الشاعر محفوظ البراموني

أنواع   ..
ف البتاع  ..
 إسمه الوطن العربي المرير   ..
مستباح ل  الصغير  و الكبير ..

فيه  ..

بشر   ماسكة  ..
        ف الإحساس ..

بشر   دايما  ..
         ب  تنداس    ..

بشر  تعبانة  ..
ب تتعب و لا تشبعش   ..

بشر  شقيانة  ..
ب تشقى و لا تستريحش ..

بشر  مخنوقة  ..
ب الصمت و الصمت ما بيتكلمش ..

بشر  مجروحة  ..
ب الدم ع طول نازل ما بيسكتش  ..

بشر  مسلوقة  ..
ب حرقة نار ما بتهمدش ..

بشر  مفضوحة  ..
ب كسرة عار  ما بينامش ..

بشر  موكوسة ..
ب وكسة مطر  ما بينشافش ..

بشر  مهروسة  ..
ب الأقدام الوسخة ما بتنضفش ..

بشر  مفروسة  ..
ب الايام الصعبة   ما بتخلصش  ..

يا خسارة يا وطن  قوتك هشة   ..

ب تتكنس ب أوسخ مقشة  ..

دايما منداس   ..

ينداس عليك و اللي بيدوس ما بيحسش ..

إنه بشر   ..

أخرته دودة  هاتطلع من بطنه ..

بعد ما يترمي ف قبره ل وحده ..

يا بشر ف البلاد الممزوقة ..

هى دى الخريطة  ..

فيها  بشر  ..
        ب القسوة مكبوتة  ..

فيها  بشر  ..
        ب الفتة مبسوطة   ..

فيها  بشر  ..
       ب اللقمة ب تهلك    ..

فيها  بشر  ..
       ب النقمة ب تضحك ..

فيها  بشر  ..
       ب تنام ع الأرض      ..

فيها  بشر  ..
      ب تبيع العرض          ..

فيها  بشر ..
     بدل ما تبني  ب تهد   ..

فيها  بشر ..
       حرقت بساتين الغد  ..

فيها  بشر  ..
        واطية ب العجز       ..

فيها  بشر  ..
        عالية  ب العز          ..

فيها  بشر  ..
      ب تاكل ف نفسها       ..

فيها  بشر  ..
     ب تاكل و تملى بطنها  ..

يا وكستاه  ..
يا حسرتاه ..

يا وطن يا عربي  ..

غرقت ف البلاعة  و عجبي  ..

ريحتك فاحت ب العفن  ..

بكرة يشيلوك و يكفنوك ب الكفن      ..

يا للي ب تسكر من عصير الخروب    ..

و للا بتوه و تتنيل ب خمرة الطروب ..

قال إيه  ..
وطن عربى  ..
       ف الخريطة المشطوب   ..

ده وطن ..
        مرصوص  زى الطوب    ..

خيبته  ..
      قوية ب يتباع ب التوب  ..

مستني شوية ..
     ريح يوقعوه و تتحرق القلوب       ..

فالحين بس  ..
   نحارب بعض ب المشهد المخروب   ..

شعوبكم الغلبانة  ..
عايشة .. نايمة  .. صاحية ب المقلوب  ..
مستنية قدرها بين الغالب و المغلوب  ..

إتحدوا    ..
      قوموا      ..
           فوقوا من نومكم    ..

إذبحوا ..
         قاوموا ..
            فرتكوا  أطماعكم  ..

هذيان قلم :
:  محفوظ البراموني :