قصيده بعنوان
(أنا جاي؟!!!")
صف لى
الدار والشارع
صف لى ودقق
فى الوصف
حرف حرف
وفصل العنوان
بفعل وماض
ومضارع
أنا مازلت فى
العربى حافظ
كام وكلمه
وبالنحو مش
بارع
هنا شجرة
الياسمين ويحد
خلف
ضهر الدار
كان مربط
حظيرة لبقره
وكانت
عشه لفراخنا
وديك أحمر له
ريش طويل
شاطر فى
المعارك ومصارع
وهنا بتلعب
الأطفال
وهنا جار
كان لينا
طيب محترم
خلوق وخدوم
متواضع
زهق من زحمة
الحاره
لقى له بيعه
قام بايع
أنا تايه
وعقلى أصابه
النسيان
كبر بالسن
وبحفظ الأمكان
وبالتفصيل
ضايع
عارفه الغربه
وبلاويها
لا كنت نسواجى
ولا صايع
كنت جدى
مانيش مايع
من شغلى
لنومتى
للجامع
مع كام جار
بعرفهم
أسماءهم مين
مين مين
فاكرهم
زي إسمى تمام
ياخساره فى ضعفى
بالتركيز كان
أول حرف
بأساميهم
على طرف
لسانى ولامع
ماشى زي ما
الكتاب بيقول
لكن أصدقك
بالقول لفت
مرة إنتظارى
واحده
ليها جمال
بالوصف طويله
مثل شجر
البان شعر
أصفر طويل
وعود فارع
لفتت إنتظارى
يومين وأخدت
كام نظره
وكام كلمه
لها همس
ولها لمس
ولها رمش
وعين واسع
وليها صدر
براح شاسع
يجرى بعرضه
الخيل
قلت فى
قريرة نفسى
وإيه يعنى
ما فيش مانع
نزوة بسيطه
وهاتعدى
مادام وحدى
عرفانى
وحفظانى
وفهمانى
وقلبى وسهوكته
الزايده
لاهو للبيع
وللشفعه
ولامشاع
ولا شايع
أنا جاي
وحشتنى
قاعدة الأولاد
واللمه وأبريق
الشاى
وحشتنى أمى
الغاليه وأبوي
وأختى وأخوي
وحماتى وحماي
يا خسارة على
الموت وأعاجيبه
أخد أعز
ما بقلبى أبوي
وحماي
وحرمنى
شوفوا إزاي
لس كلامهم
إمبارح أكنه
الطبل بودانى
أنساهم وعزة
ربى ليضلوا
بعقل سماي
ليهم ذكره
وليهم وحشه
وليهم فاتحه
على قبورهم
وحزن عميق
ليهم فى
قلبى دعوى
وليهم غنوه
حزينه عندى
بلحن وناى
أنا لسانى
على الطريق
جاي
بتقولى عملت
تصريح أيوه
كسر ضهرى
بتاع الكلب
خد منى
إل كان حيلتنى
وإستلفت كام
قرش ولم
كل حاجه
وراي يالله
الحمد لله
على مجايبه
المهم الصحه
لا مأوعدكيش
أنا فى الصحه
الصحه بصراحه
مافيش خربت
الغربه تخرب
العفريت والجن
معاي فى
الشنطه دواي
أنا جاي
12/11/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق