أبو العريف ..... وائل سعيد
---------------------
أبو العريف
ماشي فى الصيف
ولابس كل خلجاته
شايل بطيخ ودمه خفيف
وهيهادى ولاده لحماته
ساب الجرنال ومسك جوال
وشغل بيه كل أوقاته
خبر م الصين قسم نصين
شعوب الكون لمزاجاته
وفى العلمين هرب جندين
وكلا ساب لنا رفاته
كلامك شين وتبقى قرين
لشيطانه لو هتخالف مزاجاته
فتاوى دين وعجن عجين
يكفى الخلق لو ماتوا
عمل دكتور وعالج الدور
بفحل بصل و لاموناته
تاريخ الكون حكاه ف سطرين
واتحكم فى ثرواته
أبو العريف
عقله خفيف وهيجنن زمالاته
عمل م الطين غذا وبروتين
بديل للأكل وطلاباته
وقولة عدس تفك النحس
وتفتح له كل مغاراته
ابو العريف بنى لنا بطيف
جنة يدوم فيها بذاته
........ وائل سعيد ...
ليست هناك تعليقات:
إرسال تعليق