الكف ...!
الكف و خمس صباع
يراري ويضرب
ويكتب ويزمم تزمام
ملي الوذن ثقال ما بقى لها سماع
الكلام يتراجل ويهرب
وشكون يساومك حتي بالكلام
ملي ترگب على خلاها يحكمها الرباع
يحكم وحكامو يغلب
ويجيبك حبل وبونت على التمام
الكذوب داغيا خبارو تشاع
وشمس نهارك قبل الظهر تغرب
وتوحل في بحور التخمام
وتقفل العقول بالكلام الخداع
فيما مشيتي تولي وتعگب
والشوك والظربان يدمي الكدام
زمانا شبابو فيه الرضاع
وشيخنا عليك ولي ينصب
وسمانا هجرها الغيام
يا الراكد نوض ر الواد عليك داع
وقصد العكبة واهرب
بينهم ما بقى عندك مقام
غير السلة والسلة بلا عنب وقت الصداع
والبكرة غرزت ما بقى فيها ما يتحلب
ويا الغادي قرا ليهم السلام
نجات بوريشة
ليست هناك تعليقات:
إرسال تعليق