أبقى أفتكرني
..................
ابقى افتكرني ما تنسانيش
ابقى افتكرني مع كل نبضه
بقلبك انت
ياما قلت ليا متبعديش
ابقى افتكرني
مع كل بكره
مع كل فكرة تخطر في بالك
مع كل قصة تعيشها بخيالك
انا بيك بعيش
خليني عايشه
دايما في قلبك ...
ابقى افتكرني وخليني جنبك ومع كل اااااه بيقولها قلبك ....
انا عارفه اني دايما في بالك أحساسك ونبضك وهمسك ....
بس يا حبيبي
ابقى افتكرني وإياك تروح
قربك وحبك اداني روح
أنت نصيبي من دنيتي
ولقيتك انت من قسمتي
يا نبض قلبي انا محتاجالك
خليني جنبك وابقى أفتكرني
انا عايزة اقولك
حبك بيكبر مع كل يوم
خلاني بسهر أعد النجوم
حبك خلى قلبي يحب كل حاجة بدنيتي من مرها وحلوها
وملوش حدود
تعالي نهرب عن الوجود
انا حبك يا حبيبي خدني نساني كل ايامي وعشت معاك أجمل احلامي....
عيشتني أجمل غرام
حبك يا حبيبي مكتوب عليا وانا عمري ليك
انا قلبي ليه في حبك اناني
ويعيش معاك أجمل زماني
خليني أعيش وياك غرامك
افرح واكون غنوه في كلامك
ومهما غبت متنسانيش
ياما قلت ليا متبعديش
ياللي إنت حبك دايما أسِرني
خليني جنبك وأبقى افتكرني
.........
بقلم _ بسمه عيسى
29-7-2021
ليست هناك تعليقات:
إرسال تعليق