////////+++ حرفي +++////////
كلمرة في حلة ومعنى
ليه شذاه صديقي ومغنى
ويسافر بيا ف كل مكان
احبيب مايخليني نتهان
وسط الناس داير لي رفاقي
ومعاه وانا مازال باقي
حرفي ومونسني بزاف
ومرافقني ديما ولاف
بحديثو صحبة ملاقيني
وشحال بحالهم معاديني
في سوق الكلمة سرو داوي
مرة حاكي مرة راوي
عذروني مبذل سر لحوال
فمعانيه ياك مجذوب لقوال
عندو لحباب وعشاقو
ياك عندو سرو وذواقو
خطوة خطوة مساير بالي
كلمرة مبذل لي حالي
كيف يغيب عليا خيالو
مني وانا ليه ديالو
ملي ناخد دواية نلقاه
ريشتي ترسم ماحب وبغاه
هذا حال حرفي وحوالو
شلى عليه مادواو وقالوا
ياك فيه وجهي ومرايتي
كلمرة مبذل حال حاجتي
//////+++ بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق