خيمة الغلا:
صعب الوصف من تلتقي العين بالعين
وياويل من جرب وشاف هذه النظره
ماهو وهم وخيال وتعال اسمع اليقين
الحال ماهو صدفة ومخلوق بالفطره
تلب نار الحشا ويرتوي نبض الوتين
شبيه الغيمات ليابس العرق ترويه قطره
يتوه الوصف ويحتار بين شوق وحنين
اللقا سعادة وفرح والفراق شجون وعبره
سرى احساسي وجيت اكتب لك الحين
لأجل تشوف شعوري واحساسي ومره
لاتغيب عن بالي وعيني وحرفي رهين
شعورك واحساسك وشذاك وندى عطره
خيمة الغلا عامودها شامخ وحبلها متين
ماتهزها رياح وعواصف ولاتطفي جمره
أنا البدراني سلسيل النسب وعالي الجبين
أعوذ بالله من شوف الحال وعجبه وكبره
لكن بالوفا والتواضع والمحبة عندي براهين
يحس بيها القلب والحشا قبل العين ماتمره
امشي براحة وثقة صحاري البيد والبراكين
ماهمني نار الحمم ولاعطش وحر وغبره
بلحظة وثواني أنسى الزعل وحالي يستكين
اللي يعرفني يدري بشعوري وحالي وأمره
سرح احساسي وشد عن الطريق والله يعين
صعب يكون البوح براحي وشعوري وغمره
حان الوقت أقفل قصيدي وأصارع طواحين
تجرش الحشا بكل بوح وقصيد ومالها فتره
@عزالدين الحميري@
ليست هناك تعليقات:
إرسال تعليق