( قتلوك ياحلم )
قتلوك ياحلم البشر
فى إننا نعيش حياه كريمه
خاليه من الزل والمكايد
ويسكن جواها أمل وعزيمه
وطموحنا والله ياعالم
نعيش مع بعض الحقيقة
مش لازم نضغط على
بعضنا وقلوبنا تسكنها الضيقه
ياحلم يا ساكن بعيد ليه
مبتسكنش فى دنيانا القريبه
إحنا كلنا مساكين
وقلوبنا سكناها الطيبه
إدعيلهم معانا ياحلم
تتهدى من جوا نفوسهم
إحنا مش طمعانين زيهم
ولاحلمنا عمر يشابه فيوم حلمهم
نعيش بس الحياه ومش
هيشوفنا ولا هنحاول نشوفهم
ووعد صادق إحنا فى رحابنا
وهم في دنياهم وأحوالهم
ووقت الممات الكل هيتساوي
مساكينا زى غنيهم وأميرهم
بس ياريت تسيبولنا الحلم
نعيش مش لازم زي عيشتكم
هوا دا الحلم اللى جوانا بس
ياريت من جوا تصحي ضمايركم
عيشوا وسبونا نعيش ولينا
كلنا إله هيحاسبنا ويحاسبكم
بقلمى/ الشاعر محمد غبن
شاعر آل غبن
2020/3/31
ليست هناك تعليقات:
إرسال تعليق