** السنين ** بقلم ** وائل مسلم **
مهما تجري السنين
حالف ما عمري ازعلك ولايوم تبات حزين
لازم علطول اسعدك واشوف ضحكتك والفرحة في العينين
لاني مستحملش دموعك تسيل علي الخدين
وفرحة الدنيا واحنا مع بعض ماشين وشبكين الايدين
مهما تجري السنين
حبك في القلب مكين
و بغير عليك من الهواء الطاير واحطك في نن العين
وصورتك علطول في خيالي وانام احلم واخبيك بين جفنين
مهما تجري السنين
مليش غيرك حبيب
ومين غيرك يسكن قلبي دا حبك دم بيجري في الشرايين
وان غبت يوم القي نفسي في حنين
مهما تجري السنين
مقدرش احب غيرك
طيب قولي احب مين
دا مفيش غيرك في القلب لانك اول ما عشقت واول ما شافت العين
حتي قلوبنا بقت واحدة قلب واحد مش قلبين
مهما تجري السنين
هنفضل دايما لبعض عشاق واحلي حبيبين
ليست هناك تعليقات:
إرسال تعليق