دنيا المكارة
_______________
آه يا دنيا شو مكارة
صار النصب فيكِ شطارة
آه يا دنيا شو العبارة
بتضحكنا يوم وبتبكينا بمرارة
ماشين في الدنيا الغرارة
ضايعين والعيون تقدح شرارة
غلاء وباء وعراء ونغني على الهوارة
جيوبنا مخرومة يا للعازارة
نازلين طالعين على الصدارة
بالفقر والبطالة يا خسارة
ناس كسبت عمارة وسيارة
أعتبروها شطارة وتجارة
وناس عايشة بمغارة
كسبت حب الناس بجدارة
ما بدنا دولار ويورو
بدنا خبزة وبندورة وكرامة
وجار يفهم بلطافة
ما بدنا جار كله سخافة
يكفينا هم وتعثير
عيشتنا أصبحت بالتقطير
آه يا دنيا شو عم يصير
.................
بقلمي/ إبراهيم محمود طيطي
الأردن/إربد
ليست هناك تعليقات:
إرسال تعليق