الوديد الي سكن جوات. صدري
طق مفتاح الهوى وروحي سجنها
خلته يرجع مع النسمات بدري
وما يوافق هاجسي يطغي حزنها
الجفا زود مع الايام. كدري
ونفسي التاعت وتغشلاها غبنها
بالحقيقه لو كنت يا خل تدري
والعيون اشتاقت تدرك وسنها
طيفك مرافق صباحي وجوا خدري
وروحي الجذلى تشاغب مع عننها
ما هقيتك تلتمس بالجد عذري
الحقيقه كنز وما تقدّر ثمنها
الخفوق الي توافق مع نجري
له دفوق بالشراين اختزنها
لو ظميت بيوم يروي ظماك نهري
وكم سقيم صح من زله بدنها
شعر: عاطف سيطان البربور
ليست هناك تعليقات:
إرسال تعليق