............. ألبوم الصور .....
فتحت ألبوم الصور ........ لقيت حكاوي وذكريات
بقت خلاص من الخبر ..... وف كل صورة عمر فات
لقيت فيه ناس بحبهم ......... كل اللي فاضل منهم
حبه صور وايا أهات
صورة لجدي في صغري .. علمني اقول كلام دغري
يمسك ايديا ونتمشي ...... ونروح نصلي من بدري
ذكري وعايشه أيامي
كإنه لسه أودامي
صور لابويا ولامي ....... اللي شالوا ياما من همي
عشرة وحضن فيه أمان .... وطيبه واياها الحنان
في كل صورة بتحكي
عن الحنين وفيه بتبكي
لقيت صور وايا اخواتي.... في كل لحظه ف حياتي
وكنا لسه وقتها ................ صغار ف دنيا عشقتها
دم اللي بنا مش ميه
وتاهت ما فينا الحنيه
وف الصور كان تصويرتي
لقيت إيدي حاضنه ف صورتي
شيب ملامحي زماني
حتي العيون مش عرفاني
حكاوي عايشه ف الصورة
وفيها نفسي مقهورة
لو الزمن بيا يرجع ........... مكنش عين فيا تدمع
ولا الشجن يملي قلبي ......
أقول لمين .. ومين يسمع
الشاعر الغنائي / عرفات فرج الله بلبل
ليست هناك تعليقات:
إرسال تعليق