أمي ... 🙏
كل سنه وانتى
فى القلب يا حبيبتى
مهما سبتينى
أو غبتى عن عينى
مبشوفش غيرك انتى
فى القلب يا حبيبتى
كل سنه وانتى
فى القلب يا حبيبتى
كان نفسى اقولهالك
وقبل كل الناس
تلاقينى على بابك
بالشوق تقابلينى
وباسمى تنادينى
واسكن فى احضانك
جوايا صرخه شوق
بتقول وحشتينى
يا امه وحشتينى
أصعب فراق وابتدا
والنفس متأكده
مهما يطول الندا
صرخه حنين فى الفضا
لكن على عينى
وأنا راضى باللى انكتب
موتك ف اول رجب
من غير لا لوم أو عتب
لكن فى عيد الأم
القلب جمره حطب
كان نفسى اهنيكى
واخواتى حواليكى
نعيش ف لحظه صفا
ونحس فيها الدفا
من نظره ف عنيكى
لكن قدر ربنا
ومصير و مكتوبلنا
ياخدك بعيد عننا
لكن مسيرنا ف يوم
يجمعنا تانى بيكى
انا روحى مطمنه
ولربى مستسلمه
لكن وحشتينى
يا أمه وحشتينى
كان نفسى اقولهالك
كل سنه وانتى
فى القلب يا حبيبتى
ومهما سبتينى
أو غبتى عن عينى
مبشوفش غيرك انتى
كل سنه وانتى
فى الجنه يا حبيبتى
يا أمه وحشتينى
رحمك الله يا امى
ورحم الله كل آباء وأمهات المسلمين
وجمعنا بكل احبابنا فى مستقر رحمته
ورزقنا جنات النعيم
آمين يارب العالمين
عادل علي
ليست هناك تعليقات:
إرسال تعليق