ما كنت معاك ...
وكنت بادوب كتير فى هواك
وفرحه قلبى لما ألقاك
تكون متهنى وأنا وياك
ودلوقتي ..
بحاول أنساك
ماكنت معاك ...
سؤال جوايا وشاغلنى ...!؟
كنت زمان مطمنى
بكل حنان بتسعدنى
ويفرح لما تواعدني
بأحلى كلام بتوعدنى
بأحلى أماني تعاهدني
ليه فجأه بتبعدنى ... !؟
وتجرحني وتخدعني ...!؟
سؤال جوايا وشاغلنى ....!؟
محيرنى معذبنى
إنت اللى حاولت تشغلني
ومن قلبك تقربنى
وأما ملكتنى بحبك
تفوتنى لوحدى وتسيبنى
ليه بحبك تِدًوِبنى
وبعد ما ألاقى
ليا مكان وبر امان
بغدر وقسوه تبعدنى
ماكنت معاك ... !؟
ماكنت معاك ...!؟
وكنت بادوب كتير فى هواك
وفرحه قلبى لما ألقاك
تكون متهنى وأنا وياك
ودلوقتى ...
بحاول أنساك
ماكنت معاك ...!؟
ماكنت معاك ...!؟
لكن __ أعمل إيه ...!!
جوايا ليك إحساس
فى قلبى ومداريه
كل أما أحاول إني أنساك
شاغلنى هواك
وألاقى صورتك قدامى ليه ...؟
وتفيد بإيه ...!!
أشواقى ليك
وحنينى ليك
هايفيد بإيه ... !!
وذكريات عمري اللى فات
وأحلى فرحه
عدت بدري من سكات
وقلب حزين هيشكي لمين ؟
حب وحنين
قصتنا كانت
أحلى قصه عاشقين
وسيرتنا كانت
فى الوجود مش كلمتين
ويفيد بإيه ...؟
بعد الجراح
بعد اللى راح فى غمضة عين
فاكر زمان
وأنا بين إيديك
كل السعاده
من جوه قلبك فرحه فى عينيك
من بين شفايفك قولتلى
أيوه بحبك وهاموت عليك
ووعد منى ياكل عمرى
هافضل شاريك
أنا حب عمرى حسيته فيك
لما تلاقينى وبتلاقيك
وكنت بأنسى الدنيا جنبك
وأنا جوه حضنك وبين إيديك
كنت بتاخدنى وإنت فى حضنى
من الكون
بنظره واحده من عينيك
وده كله فين ....؟
بعد السنين ....
كله اتنسى بقه ذكريات
بتاخدنى تانى ومن زمانى
تفكرنى بيك
ما كنت معاك ...
عادل علي
ليست هناك تعليقات:
إرسال تعليق