هذه القصيده من ديواني الثاني
حضن الوجع
( دين الصهاينه والخيانه)
بقلمى الشاعر محمد غبن
شاعر آل غبن
18/9/2020
جمال بخيت شاعرنا الهمام
قال كلام من أحلى كلام
سأل في قصيدته
دين أبوهم إسمه أيه
هقولك ياغالي علي دين أبوهم
نسرق النوم من عينيهم
نخلي نهارهم زي ليلهم
دي أرضنا أرض الميعاد
لازم نخرجهم منها بعاد
ونخلي أيامهم كرب عليهم
هنطفي قدامهم شموعهم
ونكون إحنا غصب عنهم
رافعين رايتنا في البلاد
لجل عددنا يكون فى إزدياد
واللي زهق منها ومستحملش
بالسلامه هوا واللي معاه
طيب بإسم مين
وفي اي شرع واي دين
تهاجروا وتعيشوا مطردوين
ولبلادكم تنكروا الجميل
بإختصار ياغاليه كوني جنه للي
حبك إوعي تبكى ع اللي باعك
امسحى الدمع الحزين
والسماسره اللي باعوك
وقبضوا الثمن من سنين
هم دايما.................. خسرانين
الصهاينه لو موتوا منك أسد
عند الله شهيد
عايشين يقتلوا النبض في كل روح
حتي الطفل اللي جاى وليد
عرفت ياأستاذ جمال بخيت
دين أبوهم إسمه أيه
دين صهيوني مميت
واللي مات قدام حبايبه
دخلوا عليه جوا البيت
دين أبوهم مش دين سلام
ولا دين محبه وكإنه إنتقام
دين رشاوي وتغفيل عينين
وسماسره قابضه شمال ويمين
بيحطموا بشعب عايش
وسط الضرب وسط الأنين
دين أبوهم إسمه أيه
دين خراب شكلوه
شوية عصابه ملثمين
ليست هناك تعليقات:
إرسال تعليق