حبة فرفشة ..... بقلم الشاعرة ناهد الموجي

حبة فرفشة بعيد عن الكرونا  😄😄  أصل انا زهقت جدا

،،،،،،،،،،،،،
طب وانا مالي
..................

قلبي النايم  فاضي  وخالي
من يومي و انا عايشة ف حالي
فتش عني  الدنيا  وجالي
قال بيقولي بسرعة    تعالي !!
خطي  ونطي السور   العالي
دا انت هتبقي يا حلوة حلالي
اديك عمري وحالي     ومالي
           👌👌

اوعى  تقرب  تلمس  شالي
دا انت يا واد نغمة ف موالي
انت يا  دوب  رنة ف خلخالي
قلبك   هيشبك ف حبالي
        👌👌

وهبعتر شعري المجدول
وألملم  توبي  المغزول
واسيبك واقف على طول
تستنى  رنة    جوالي
وان سألوني هقول وانا مالي
عمره ما يخطر يوم على بالي
ولا هيمر كمان فى   خيالي
          👌👌
اوعى تصدق كل كلامي
اجمل حلم انت ف احلامي
ساكن احساسي وايامي
جزر بنبت منه غرامي
بقلمي✍
ناهد الموجي
شاعرة مصرية