مفيش داع تغيب عني ...بقلم الشاعر .السيد علي القن

قصيده

(((    مفيش  داع تغيب عني ))))

حبيبي تعالي كلمني
حبيبي  تعالي اسمعني
وحس بيا  ب اوجاعي
مفيش داع تغيب عني
تعالي ضمني لقلبك
ودفي قلبي بحضنك
انا محتاجلك  اشكيلك
وافضفضلك واحكيلك
وأبين لك  مدي شوقي
و لهفة قلبي ع وصلك
ده انا قلبي بيندهلك 
ومين غيري هيسمعلك
تحس بحبي ع مهلك 
حبيبي تعالي أغنيلك
وطمن قلبى وادعيلك
انا حلمي أعيش وياك
ف قصر يكون ع كيفك
ف  حاول بس  تفهمني
انا طير عايش بدون جناحين
 ومش لاقي اللي يفهمني
 أطير  بيهم ف عز الليل
وكلي شوق اليك وحنين
وبحلم بيك بقي لي سنين
 وبحلم اني رح اشوفك
 وتحكي لي واحكي لك
وأمسح دمعة ف عيونك
ف ليه تخبي احساسك
ده انا اهلك وانا ناسك
وانا قلبي خلاص باسك
ما بين العين وبين راسك
عشقتك قبل ما اشوفك
وقلبي داب  ف غرامك
وحبيت  فيك وفا قلبك
وطيبتك  ويا  اخلاصك
و عارف أسوة  الأيام
داست كتير ع احساسك
حبيبي اعذرني لو خطيت
حدودي معاك ده أنا ناسك
وحاسس بيك و بانفاسك
اكيد محتاجلي اكون وياك
تفضفضلي انا وكاسك 
وتحكيلي  سبب وجعك
واكون لك أعز ناسك
و أشيل حملك انا عنك 
وأشيل همك وأشيل غمك
حبيبي أنا كلي ملك ايديك
و حارس ضمن   حراسك
اصون عهد قلبي معاك
واملي اني أكون وياك
واكون أهلك واكون ناسك

كلمات الشاعر / السيد علي القن