هاتوا قلم........احمد عبد الحق

هاتوا قلم
وياريت معاه رزمة ورق
نكتب الم
نرسوم دموع متبسمة
متغمسة دم وعرق
مبقاش بينفع الندم
مع انه واخد علي الالم
مع انه واخد علي الغرق
هاتوا كمان حتة حجر
وكمان ياريت ورقه شجر
نكتب عليها كان هنا
نوع من البشر
معرفش يتعود علي الغرام
قتله السواد
اصله جماد
هو فيه جماد بينتحر
خلاص كله عادي
مبقاش فيه عتاب
اصله واخد علي العذاب
علي التشرد
اتعود علي الغياب
اوعاك توهميني
وتحاولي تفهميني
ان المشاعر انقي مافينا
وان المشاعر اطهر كتاب
اوعاك تكدبي
او تحاولي تتادبي
مبقاش فيه عتاب
ولا ادب
مبقاش فاضلك من حروفي
حرف واحد يتكتب
كل الحروف اللي عشانك
في يوم كنت كتبتها
النهارده بس وبنفس ايدي
والله الف مرة حرقتها
امسح دموعك يازمن
وقول كلمتك
وياريت تجيب معاك الكفن
ندفن مشاعر بالعرق
نحرق سوا كل الورق
ونكتب اعتذار للاحبه
الله يرحم اي عاشق
هو حد فينا
هيقدر يعاند القدر
الخلاصه
قشه وماتت غصب عنها
مقدرتش تقوم الغرق
احمد عبدالحق