أسعد الله صباحكم بكل خير أحبتي أصدقائي
بناءاً على طلب من صديقة
والى كل محبي الشعر الشعبي (بقلمي)
مابِعتَك
آنه مابعتك كلت بية أشتريك
وأبد ماحسبت لنك بد وفة
جنت أضنك تخلص بكل ماتكول
وجنت أشوفك واحة بالظل وارفة
وجنت أحسبك شمس لو غطني الظلام
وعود خيمة برد صيف
وهم ألوذَن بيك لو جَت عاصفة
وشفت بيك الجمر لو جاني الجحيل
لن عجيبة ببارح تدَوِر دِفَة
ياعيوني شبيج يتماوج الكون
الشمس غابت لو ضوة الدنية طفَة ؟
بطلت ما أبجي مو ماكو دموع
بس أشوفنّه دم الينزل صفَه
شكد جلد وتنام ليلك صاحي بال
وهم أكولن بالعوافي وبالشفة
وآنه عزرايين يتلاوح وياي
وأبد ماعني ولا لحظة غفه
ميت آنه وبيدك تهيل التراب
يا صلافة البيك ما عندك عِفَه
مانفع وياك ماي شكد سكيت
وأبد ماخضرت ياهرش الجفه!!
******************
(آمال الفراتي)
ليست هناك تعليقات:
إرسال تعليق