**** أنا العاشق ****
أنا العاشق اللي حبي كان بيتوصف فى صور وسطور
ويبان عليا العشق ولو اتقفل عليا قصور
أنا العاشق اللي قلبه كان للحب يعديله بحور
ولو رسي يوم على شط تحلف بحبه الصخور
أنا العاشق اللي عشقه اتكتب وغردت بيه الطيور
وليل السما أصبح نهار لما اتملى بالنور
أنا العاشق اللي حلمه أصبح مجرد خيال
عشت فيه مخدوع وفجأة اتبدلت الأحوال
أنا العاشق اللي انجرح من قلب كان ليه كل الحياة
والدنيا كانت بيه سعادة وأمل وطوق نجاة
أنا العاشق اللي السعادة عنده أصبحت رخصة للنسيان
والدمع محبوس فى عيونه وإيه لازمته ما خلاص فات الاوان
بقلم : احمد مجدي
ليست هناك تعليقات:
إرسال تعليق