قصيده بعنوان
(وعدت سنه؟!)
من عمرنا
زى ما عدت
باقى السنين.
كان لينا فيها
ذكرى مؤلمه.
كان معانا ناس
قاعدين.
كانت ليهم ضحكه
حلوه بينا
لكن النهارده
مش موجودين.
فارقونا وسابونا
لوحدنا.
ما فضلش منهم
إلا كام ذكرى
حلوين.
صورتين على
جدار غرفتهم
متعلقين.
هنا فى المكان
ده إمبارح
ريحيتهم الطيبه
وهنا كان صوتهم
بيجلجل كانه
صوت كروان.
مليين علينا
الدنيا وكأننا
فى ودانا
لسه سامعين.
وعدت سنه
من عمرنا
زى ما عدت
باقى السنين
زاد علينا فيها
من همنا وغلبنا
وقهرنا وذلنا
ومازلنا عن
أهلنا وحبايبنا
متغربين.
زاد فيك كام
وجع وكام
دمعه من عيونا
على خدودنا
نار نازليين.
ضهرنا
فيها إنكسر
وشحتنا فى
أيامك الملح
من جماعه
خاينين.
إفتكرناهم ولاد أصول
طلعم ولاد ستين.
أثنتى عشر شهرا.
لم نذق فيهم سوى
المرار مروا علينا
دهرا دبحونا
وبإيديهم
دمنا على
السكاكين.
كان فيك إيه
حلو يا سنة
عشرين.
كان فيك إل
كان بينا مات
بفيرس كرونا
وال بمرض
وال زاد عليه
الغلا أضعاف
وال أفتكر نفسه
ناصح قاعد
على مكتبه
قلب موازين
عقلنا ذكرنا
بسبع سنين
عجاف.
خلونا نمشى
نكلم بعضنا
كأننا مجانين
وعدت سنه
من عمرنا
زي ما عدت
باقى السنين.
نفسى أفتكر.
فيك شئ حلو
وأقوله من
قلبنا.
كان إل يملك
ألف يبقى من
أصحاب الأموال
فيك بيضيع
دا لو فضل
بساعتين.
يارب بأرفع
إيدى للسما
وبأدعي لك
من جوا
قلبى لاتحرمنا
من أهلنا
وتجمعنا بيهم
على خير وسلامه
فى السنه المقبله
ونكون فيها
طيبين وعلى
الحب متجمعين
عدت سنه
من عمرنا
مع السلامه
الله لا يعيدك
تانى وبقدم
ليك إعتذارى.
وبقلك من
قلبى أسفين.
1/1/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق