الحب مين يقدر يسلاه؟!
""""""""""""""""""""""""""""""
الحب مين يقدر يسلاه؟!
والعذاب دايب فى هناه
وتقولولى الحب عذاب !!
دا الحب نعمه من ربى
بيدوبوا فيه كل الأحباب
إللى يبوح وإللى يخبى
والكل منه بيتألم
والكل منه بيتعلم
ولا حد يوم فكر ينساه
دا الكل للحب يسلم
يبقى مين يقدر يسلاه
*****
الحب علمنى أتكلم
أحلى الكلام وأنا بتألم
وأحبس أنينى ويا الآه
وناره فى القلب تعلم
ومهما يكوينى بلظاه
أحن ليه وأمرى أسلم
يبقى مين يقدر يسلاه؟!
*****
دلال حبيبى يعذبنى
وبطرف عينه يهنينى
ولما يهجر يجرحنى
وبإبتسامته بيشفينى
عناد حبيبى بيكوينى
والضحكه منه بتحبينى
معاه حسيت أيام عمرى
وف بعده بتضلم عينى
يبقى مين يقدر يسلاه؟!
*****
شعر / سيد فتح الله
من ديوان / أم الدلال
ليست هناك تعليقات:
إرسال تعليق