همسة حزينة ..... بقلم الشاعر السيد فريج حسن

همسة حزينة
---------------
إديتك قلبى
وشفت بعينك كل الدنيا
لقيتها عذاب
إتعذبت كتير
واتحملت كتير
واستنيت تغيير
أحلم بحنانَك
حتى جْنانَك …
باحلم بيه
واتمتعت كمان بعذابَك
حتى بظلمكْ
وقسوةْ قلبَكْ
حتى الهجر
شفته فى عينك
لقيته دلال
وصدَكْ لِيَّا
شفته بعينى
لقيته جمال
وكلامك ليَّا …
عن حب جديد
سمعته بقلبى
لقيته كلام
وقلت لنفسى
ما هُوَّ الحب
خيال فى خيال
وفجأة لقيتنى
فى بحر رمال
وحبَكْ لِيَّا …
سراب فى سراب
ولمَّا قالولك
قلبى عليل
ودوايا فى إيدك
لمسة
وهمسة
وكلمة حب
زدت فى عِنْدَك
واتمنعتْ
وبِعدتْ كتير
وادينى باموت
وقلبى معاك
طير مأسور
لسه بينبض
ويقول فى آهات
شوق وحنين
وآاااه …
وآهات
…
السيد فريج حسن
مصر