يارب نفسي أشوف الضي .... بقلم الشاعرة مي ابراهيم القاضي

ياصرخه
في قلبي مكتومه
وعيون باكيه حزينه
مهمومه
كفايه إرحمي قلبي
ضعيف ماعدتش قادر
يتحمل
كل العيون علي الضحكه
حسداني
ولا حد حاسس بالآه اللي
وجعاني
يا دنيا كفايه كده في جرابك
ايه تاني
يارب الكون قويني من عينهم
احميني
عاوز أصرخ بصوت عالي
وارمي هموم علي كتافي
هداااااني
اكيد الفرح يوم متعان
وهاشوف ضحكه من
زمان ........وحشاني
يا خلق سيبوني بقي
كفايه
حتي علي الدمعه والبكا
حسداني
ياليل كفايه اوعي تطول
نسمة الفجر وحشاني
يارب نفسي أشوف الضي
وأسجدلك شكر إني حي
في دنيا من نفسي
وخداني ...وشغلاني
نفسي أصرخ وأقول
آ آ آ آ آ آه
في فضا واسع مفيش
حاجه منعاني
يارب أرجوك كفايه
دموع
مهمووووووم والفرحه
وحشاني

♡♡ بقلمي / مي ابراهيم القاضى ♡♡