٢٠٢٠ _ 2020
عشرين عشرين
____________________________
مش هاتتكرر مرتين عشرين عشرين
وادينا عيشنا وادينا عايشين
كانوا بيقولوا نهاية العالم سنة ألفين
وعدى علينا بدال السنه كمان عشرين
عشرين عشرين
جيتي يا سنه
بعد ما راحوا حبايب العين
نقول الآه
ونداري عشان حبايب لينا تانين
ونقابل ناس ولا ننسىٰ
في يوم حبايب كانوا غالين
وقَف يا زمان دقاتك
واسعدنا لحظه وحياتك
واِسعد حبايبنا
إللي على فراقنا صابرين
والسنه جايه
شايفها في ضحكة طفل بيلعب
يجري و يطنطت تنطيت
زي ما احنا عارفين
والسنه جايه
شايفها في دعوة أم لولادها الشاطرين
٢٠٢٠ _ 2020
عشرين عشرين
ألفين صلى وسلام عَ الزين
يا سلام يا سلام الساعه دي كام
دي دقيقه بتفصل عام عن عام
طب كل عام وانتم بخير
ودايماً عافيه وصحتين
بقلوبكم والعينين
وسلام سلام عَالحلوين
سنه سعيده ٢٠٢٠ _ 2020
عشرين .. عشرين
الشاعر مصطفى عبده
ليست هناك تعليقات:
إرسال تعليق