يل علمتنى........امال الفراتى

أحبتي أصدقائي أسعد الله مساءكم بكل خير
الى محبي الشعر الشعبي (بقلمي)
يل علمتني
يل علمتني إعله السهر
ريت السهر دك بابك
مو مرض بد بيه وسره
كل البلا من أسبابَك
**************
الليل كله مساهره
ولشوفتَك متنَطِرَة
ماشافَتْ عيوني الكَرَه
لله أشكي حَر صوابك
*************
صوابك توَسَع والكَلبْ
تدري عليه بُعدَك صعُب
ياصاح تطلبني بطَلَب؟!
ذوَب الروح غيابَك
***************
دوم آنه مشلوعة كلب
من الله مو إنته سبب
ماألومَك ولالي عَتَب
اللوم إعله وكتي الجابَك
***************
جابك بقسمَه مقدِرَه
بروحي مرض إنتَه وسرَه
مو نار بيه موجرَه
أتكَلَب بتيزابك
*************
هلال إنته عن عيني غِبِتْ
بلحظتهَه ماتدري متِتْ
إنكطع صوتي وماصِحِت
يم الله صفي إحسابك
***************
حسابك متيهه ياترَف
مِنَك تَرَه بكلبي نزِف
الوكت لو فرني ألف
ولافَرَه من دولابك
*************
يل علمتني إعله السهر
ريت السهر دك باب
(آمال الفراتي)