جرح.............فاطمة علام

★جرح★
ليه  بتجرح  قلبى  ليه 
هو  قلبى    ذنبه ايه 
كل  ذنبه  انه حبك 
وبالوداد فاتح ايديه
ليه بكلامك وبملامك
توجعه وتقسى عليه
خدت كل سنين حياتى
خدت اجمل ذكرياتى
كنت بسهرلك للاتى
فى انتظار نظرة عنيك
مش  بعاتبك مش  بلومك
بس قلبى  اللى حبك
من قسوتك صعبان عليه
عينك الحلوه داهيا
على البنات رايحه وجايه
واى رمش كحيل يشاور
تلمحه تجرى عليه
عيش لنفسك ولغرورك
بكره يجيى برضه دورك
والى كانت يوم فى قلبك
تكسرك تجرح شعورك
والقى دمعك جوه عينك
واما  تيجى لقلبى تانى
لأجل تستجدى حنانى
مش هتلقى ليك مكان
اصل قلبى كان زمان 
شايف الدنيا بعنيك
  يلا ابعد يلا روح
قلبى بقى مليان جروح
وكل ذنبه انه حبك
تجرحه وتقسى عليه
#فاطمه علام#
※※※※※※※※※