أذان الفجر.بقلم الشاعر أحمد إبراهيم النجار

الشاعر / أحمد إبراهيم النجار
-----------------------------
يكتب
--------
قصيدة / أذان الفجر
---------------------
بلاش تشكي يا ديك
صايح على الأبواب
معدشي يفيد
ده فجر بعيد
اوي ضايع
في ليل كداب
يا ديك امي بلاش الصوت
بيزعجني من الشباك
وسبني أنام
على حلمي انا الكداب
بلاش الصوت هجيب نبوت
على رأسك
وهلعن كل ديك في الحي
مافيش بكرة
ولا فجره اللي راجع جاي
بلاش أوهام
يا ديك عايش على الأحلام
رجوع الفجر بالاوهام
وعيش ليلك وانسي الصبح
ماقيش
مافيش
مافيش
واصل الكلمة مكتوبة
على الجدران
ولو عميان مابتشوفشي
ماتسمعشي خلاص امشي
في درب الليل
مطر نازل بوحل وطين
على راسك واتمرمغ
وعيش ليلك كمان واصرخ
واصرخ بس مين سامع
مافيش سامع
ولا صوت الأذان راجع
ولا جامع
في يوم صوته هنا رافع
أذان الفجر
ماقيش
ماقيش
ماقيش
وديب واقف
ومستني يا ديك امي
خلاص اتلم خلاص اتلم خلاص اتلم
-----------------------------------
بقلم الشاعر / أحمد إبراهيم النجار