مابشبع رولا العنداري

شو بيخطر عبالي أوقات
صرخ للشمس تعجل وتطلع
وخرّب كل الساعات
تا يمرق الوقت أسرع
وما يبقى غير لحظات تا لاقيك
توقف من بعيد عليي تطلع
وقبل ما المحك حس فيك
قلبي من  ضلوعي يطلع
مع صوت الدقة يحاكيك
يقلك عغيابك شو توجع
 يشكي يبكي يغل فيك
وعيون مشتاقة عم تدمع
عالخد  تكتبلك  خليك
ومية مرة واكتر قلك
 بحبك بحبك بحبك...
ومن  قربك
 ما بشبع ما بشبع ما بشبع.....

وبين ايديك
 بيمرق الوقت أسرع
بتغيب الشمس أسرع
وبيطلع العتم أسرع
يعني صار لازم نرجع

هيدا حال الدني
عبعدك كل يوم بسنة
وحدك  بتكرج الدني
وعندك  لوعشت مية سنة
بضل أطمع
أكتر وأكتر ...
ومن قربك
 ما بشبع ما بشبع ما بشبع...

.......رولا العنداري .......