كلمات مكسوره
--------------زغيره ياحلوه بعدك زغيره
عالحب عالالام عالغيره
عمري انا قدك ع مره ونص
ان صح الحكي وما خاب تفكيري
لا تعربشي ع صور احلامي
خايف لحتى اتجرحي ديكي
وما يعود فيكي تقدري تنامي
وتضحكي شوك الهوا عليكي
وما بحب شوفك هيك مقهوره
والسبب مني يكون
ومثل دمعه بعين محسوره
اومثل تنهيده بقلب محزون
بحبك تكوني كيف ما بدك
مع شخص قدو الناعم بقدك
وان طمع صوبو بحب تا يشدك
تكوني من الاطماع مسروره
ولا تفكريني من الحلا هربان
ولنو عجز ولنو مرض نسيان
بس فيي بينوجد انسان
بيرضا القدر يكسر شي مره خاطرو
ولا تكسرو كلمات مكسوره
------------------------------
بقلمي راضي مشيلح
ليست هناك تعليقات:
إرسال تعليق