12 كاس
شروقيه من ديواني حفنة غزل
--------------------------------
كاسي رَفَعْتُه وقلت في صحة رفاقي
وبالله اسكبيلي بعد من خمرك الراقي
قالت حسابك صفي عندي اتنعشر كاس
وما عُدتْ سجَّل بعد أسمك على وراقي
صِحْت اتركيني تا اروي شفحة الاحساس
وبدْفع حياتي لكِ وما بطلب الباقي
عم حنّ صاير أنا ع شهقة الانفاس
بلكي اتطَّفي جمر شاعل باعماقي
ليكي عيوني صِفوا لمرج الورد حُراس
وخايف ان فلوا لهل الحراس تشتاقي
قومي اسبقيلي الوقت بُكره بيجي اليبَّاس
هاليوم حدّك انا وبعزْ اشراقي
هالعمر رفة جفن حفنة ثرى بتنداس
والصدر لو ينكشف بدو درع واقي
إصحك تخلّي الزمن يضحك ويهز الراس
ويترك سنينك شمع ذايب على فراقي
---------------------------------------
بقلمي / راضي مشيلح
ليست هناك تعليقات:
إرسال تعليق