الحلوة ده من بلدي ... بقلم الشاعر محمود صلاح

الحلو ده من بلدى

الحلو ده من بلدى
صباح الورد البلدى
جماله ماله مثال
بين الورد بلدى
فى الرقة والدلال
تشوف عيونه تسلم
تبعت مليون تحية
ومنها الورود تتعلم
ازاى تبقا بلدى
الحلو ده من بلدى
وله ف القلب غلاوة
لما تشوفه عيونى
بيزيد دق قلبي
عيونه زى العسل
طعمه وسكرها زيادة
الحلو ده من بلدى
يا جميل هدى هدى
مساك مسا القمر
وصباحك ورد مندى
الحلو ده من بلدى
طيبة وجدعنه
وياك الحياة احلا
قصيدة متنغمة

محمود صلاح