( شعره أبيض زي قليه )
شعره ابيض طاب وماله
زي قلبه يا جماله
طول ما قلبي ويا قلبه
يِحلا بينّا الانسجام
شعره أبيض بس عاقل
لما أتعب يبقى شايل
همي كله وييجي قايل
إنتي روحي يا مدام
شعره أبيض زي الفل
شكله أحسن لما يطل
لو حصللي شيء ممل
صدره آجي عليه وانام
شعره أبيض بس ناعم
طول حياته ليا داعم
لسه روحي دايبه فيه
والحياه دي بينّا تمام
كام سنه بيني وبينه
عقله أكبر دا يزبنه
مش هاممني كبر سنه
حاسه وياه بالأمان
عمره عليا ما كان بخيل
على حبه ليا ألف دليل
كلامه كله. فيه تدليل
حقيقه والله مش أوهام
********************
بقلم د / عبد الرحمن فتحي الحناوي..من مصر.
الثلاثاء ١٩ من نوفمبر ( تشرين ثان ) سنة ٢٠٢٤
ليست هناك تعليقات:
إرسال تعليق