صار العيد
صار العيد يكتب الأشعار
يعيد بالبال كل اللي صار
والسنة ترندح مواويل
حزن وفرح كانت الأخبار
بكل موال في قصة
هون دمعة ومعها في غصة
وهونيك فرح الإنتصار
وبهونيك مطرح في خبرية
تحكي عن اللي صار بأسية
كيف علقت الناس بين الدمار
بيروت الها حكاية بالدمع مروية
قهر وجوع وزادوا عليها الانفجار
شعب قابع تحت الحصار
ولله القصة حزينة ومحكية
والغلا صار بين ايدين التجار
وطلت السنة الجديدة مستحية
كيف بدها تبعد عنا الأذية
تطمنا،وبعد في كتير أسرار
قصتنا بين ايدين الخالق
خليك مؤمن بالخير واثق
الفرج جاي بعد الإنهيار
سنين مرت صعبة عالخليقة
وحدها ما انكشفت الحقيقة
وكل ساعة فيها ودقيقة
مفاجآت، ومكملين بالدني المشوار.
ربيعة ارسلان سعيد
ليست هناك تعليقات:
إرسال تعليق